Почина Бернардо Бертолучи

Почина Бернардо Бертолучи, чиј легендарен филм „Последниот император“ освои девет Оскари и кој влијаеше на генерации филмаџии со други важни дела како „Конформистот“ и „Последното танго во Париз“, во кои ги истражуваше политиката и сексуалноста преку лично раскажување и смела камера.

Тој почина на 77 години. Неговата публицистка, Флавија Скиави, рече дека Бертолучи починал утрово околу 7 часот од рак.

Најголемиот италијански автор во својата генерација, Бертолучи успеа да работи и во Европа и во Холивуд, иако неговиот однос со студијата имаше свои подеми и падови. Но дури и кога работеше во рамките на системот на студијата, Бертолучи секогаш успеваше да направи филмови што се сметаа за проекции на неговиот внатрешен свет, вели Вараети.

„Последниот император“, адаптација на автобиографијата на последниот императорски владетел на Кина, Пу Ји, доминираше на Оскарите во 1987 година, освојувајќи го во секоја категорија во која беше номиниран, вклучувајќи најдобар филм и најдобар режисер. Со тоа, Бертолучи стана првиот и единствен Италијанец што освоил Оскар за најдобар режисер. „Последниот император“ е меѓу филмовите што освоиле најмногу Оскари и првиот западен филм за Кина направен во соработка со кинеската влада.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе