Салватор Мунди

Уметничкото дело на Леонардо да Винчи продадено за рекордни 450 милиони долари (ВИДЕО)

Сликата на Христос стара 500 години се верува дека е насликана од Леонардо да Винчи и е продадена во Њујорк за рекордни 450 милиони долари, пренесе Би-би-си.

Сликата е позната како Салватор Мунди (Спасител на светот).

Тоа е највисока аукциска цена за уметничко дело и предизвика извици и аплаузи во преполната аукциска сала.

Леонардо да Винчи умрел во 1519 и има помалку од 20 негови постоечки слики.

Се верува дека Салватор Мунди е насликана некаде по 1505 година и е единствено дело што се наоѓа во приватна сопственост.

Наддавањето започна со 100 милиони долари, а финалната понуда за делото изнесуваше 400 милиони долари, со таксите достигна вкупна цена од 450,3 милиони долари. Неидентификуваниот купувач беше вклучен во наддавањето преку телефон, што траеше речиси 20 минути.

Сликата го покажува Христос со едната рака крената, а во другата држи стаклена сфера.

Во 1958 година беше продадена на аукција во Лондон за едвај 60 долари.

До тогаш за сликата генерално се сметаше дека е дело на следбеник на Леонардо, а не на самиот Леонардо.

Наводно била дел од колекцијата на кралот Чарлс I од Англија во 1600-тите и потоа се изгубила, но повторно била откриена во 2005 година.

Владите постојано ги повторуваат истите грешки. Тие го сметаат долгот како предност за долгорочен раст, наместо она што тој всушност е: тежок товар и извор на масивни долгорочни ризици.

повеќе

Гостиварскиот градоначалник од сограѓаните побара да бидат потолерантни кон однесувањето на печалбарите.

повеќе

Дента кога македонската делегација беше на пат за Нивици, Заев со себе требаше да понесе еден венец.

повеќе