Гледајте го Бил Гејтс како пробува (и не успева) да ги погоди трошоците за храна на нормалните луѓе (ВИДЕО)

Не е сè толку скапо, Бил!

Бил Гејтс е насекаде во последно време! Го игра квизот „Колку е срање светот?“ со јутјуберот Ингрид Нилсен, се подготвува да гостува на „Теоријата на Големата експлозија“, а завчера пробуваше да ги погоди цените на основните намирници, со помош на Елен Деџенерес.

Во вторникот, Деџенерес првпат го пречека софтверскиот магнат во своето дневно ток-шоу. Си муабетеа за подемот на Гејтс до милијардерството, за неговата лична собна трамбулина и за неговата работа со Фондацијата Бил и Мелинда Гејтс, пред да се впуштат во една мала игра во која Гејтс пробуваше да ги погоди цените на разни производи од супермаркет, како ориз, детергент и лиснати кифли. Гејтс се мачеше да ја каже цената на речиси сè - освен на забниот конец.

Задевањето славни личности за нивното богатство не е ништо ново за Деџенерес, која, на пример, минатата есен го испрати Крис Џенер да купува во продавница „за само 99 центи“. Но има нешто посебно забавно, ако не и загадочно, во гледањето како Гејтс се мисли - гласно и збунето - дали кутија смрзнат спанаќ со сос од артичок навистина може да чини помалку од 10 долари (реално, чини 3,66 долари).

Се разбира, Гејтс е малку зафатен со подобрување на светот и на светското здравје, па може треба да го олабавиме човекот.

За прв пат имаме постапки за амнестија кои не се водат по службена должност (ex officio), туку по приватна иницијатива на засегнатите странки (ex privata).

повеќе

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе