Феј Данавеј заслужува Оскар во оваа реклама на Гучи (ВИДЕО)

Феј игра тенис во чипкаста тренерка, ужива покрај базен и оди во шопинг со голем шешир на главата.

Оскаровката Феј Данавеј во последното видео од кампањата на Гучи глуми една стварно шик-баба. Видеото е снимено во Лос Анџелес, а таа во него ужива во живот за каков што сите сонуваме: шопингува во Родео драјв со огромен шешир на главата, шета рака под рака со Соко и околу неа се вртат илјада слугинки. Феј и нејзината „ќерка“ Соко се излежуваат покрај базен, комплетно облечени во неверојатни креации на Алесандро Мишел. Потоа одигруваат партија тенис, за што Данавеј облекла тренерка од чипка, и на крај, ја запознава Соко со својата специјална ташничка Силви.

Повеќето постари членки на нашите семејства никогаш не учествувале во такви активности и наместо тоа најчесто сме ги гледале над шпорет како месат пита или пред телевизор.

Ама повеќето луѓе не се како Феј, која трипати беше номинирана за Оскар, еднаш го освои, а во својата колекција има многу други награди.

Данавеј е позната по јавните настапи и интервјуа. Во едно од нив рече: „На некој начин сакам да бидам сама и да му се посветам на она што го правам, знаете, да бидам концентрирана на себе“.

И тоа е само дел од причините зошто сите ја обожаваат.

Објавено

Сабота, Јули 28, 2018 - 20:15

Планот за чист воздух од само 1,5 милиони евра издвоени од буџетот и за граѓаните и за еколошките активисти е несериозен.

повеќе

Во битката за фотелја во ФФМ секогаш решавачка била „техниката" на добивање гласови од делегатите со поткуп, ветувања, партиски и притисоци на локалните моќници... 

повеќе

Како може да се надминат исклучивите и националистички толкувања на минатото: што работат комисиите?

повеќе