Исто како крал Артур

Девојче извадило древен меч од езеро и сега ни е владетелка

Според легендата, владеењето на кралот Артур го предвидела маѓепсана дама од езеро, која му го подарила мечот Ескалибур. По истиот принцип, Сага Ванечек, осумгодишна Швеѓанка, сега е на божествен пат да стане владетелка на величествено кралство (кое може ќе досегне и до нас) откако во езеро нашла меч стар илјада години.

Мечот може да е од викиншко потекло и може да датира од артуријанско време, од петтиот или шестиот век, според експертите од музејот Јонкопингс Ланс. Фактот дека лицето што го открило буквално се вика Сага е дополнителен доказ дека ова е материјал од легендите.

Ванечек зарѓаното оружје го нашла летово додека со семејството пливала во езерото Видостерн во Смаланд. „Напипав нешто под раката и помислив дека е стап, а потоа го кренав и имаше дршка што изгледаше како меч“, рече таа во интервју за шведскиот портал Варнамо Најхетер.

„Потоа го кренав во воздух и му викнав на татко ми: 'Тато, најдов меч!'“

Кога Ваначек му ја покажала реликвијата на татко си, вели Варнамо Најхетер, тој сфатил дека тоа веројатно вреди нешто и се консултирал со пријателите на кого да му се обрати за експертско мислење. Ова го однело до Ени Розен, археолог во музејот Јонкопингс Ланс, која веднаш го прекинала летувањето за лично да го види мечот. Розен и нејзините колеги од музејот сега го студираат и го презервираат древното оружје и планираат да го изложат следната година.

„Долг е околу 85 сантиметри, а околу него се сочувани и дрвото и металот“, рече директорот на музејот, Микаел Нордстром, за шведски Локал. „Едвај чекаме да видиме како конзерваторскиот персонал ќе ја заврши својата работа за подобро да ги видиме деталите на мечот“.

„Како стигнал во езерото Видостерн, не знаеме“, додаде тој. „Кога го истражувавме пред неколку недели, пронајдовме уште еден праисториски објект: брош од отприлика истиот период како и мечот, што значи дека тоа би можело да биде - не знаеме уште - место за положување жртви“.

Ваначек и нејзиното семејство биле замолени да не зборуваат за своето откритие до есенва, за експертите да имаат време да го пребараат езерото во потрага по други артефакти без да им се вплетка јавноста.

Сега, кога конечно може да ја раскаже својата приказна, таа за целото искуство вели дека е „прилично кул и по малку возбудливо“.

Најголемиот предизвик на секоја земја е развојот и одржувањето на здрава популација.

повеќе

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе