Сопругата на Даниел Крег

Рејчел Вајс: НЕ за женски Џемс Бонд, направете си своја сопствена приказна

Сопругата на Џемс Бонд-ѕвездата Даниел Крег, Рејчел Вајс, вели дека 007 и понатаму треба да го играат мажи.

Во 2019 година ќе излезе петтиот и последен филм со Крег како Џемс Бонд и ќе почне потрагата по следниот 007.

А откако се појавија предлози жена да го игра шпионот на Иан Флеминг, голем број славни личности поврзани со франшизата Бонд ја критикуваа идејата.

Најнова е Рејчел Вајс, сопругата на актуелниот Бонд, на која не ѝ се допаѓа идејата за женски 007.

Говорејќи за Дејли телеграф, оваа 47-годишна глумица вели дека Иан Флеминг го создал својот лик на специфичен начин, а дел од неговите карактеристики е што е маж.

„(Флеминг) посветил многу време за пишување на овој конкретен лик, кој е изразено машки и се однесува на одреден начин кон жените. Зошто да не си создадете своја сопствена приказна, наместо да скокате на туѓи раменици и да ве споредуваат со сите машки претходници? Жените се навистина фасцинантни и интересни и треба да добијат свои сопствени приказни“, вели Вајс.

Против женски Џемс Бонд се и поранешната М, односно Џуди Денч, и Кристоф Валц, кој го играше Блофелд во „Спектре“.

Обајцата глумци од Бонд-филмови рекоа дека Бонд треба да продолжи да го игра маж.

25-тиот Џејмс Бонд ќе излезе во кината во ноември 2019 година.

Родовото прашање е клучен двигател за резултатите на здравството.

повеќе

Постојат повеќе административни и технички решенија против плагијаризам што се применуваат од издавачите и универзитетските менаџменти, а понекогаш и државните власти, како што е случајот во Македонија. 

повеќе

И не само тоа, туку квалитет на слободата. „Слободата нема никаква вредност ако во себе не ја вклучува слободата на грешките" - Махатма Ганди.

повеќе