Денот на првиот контакт

Е па... ај среќен празник!

За четириесет и пет години од денеска - на 5 април 2063 година - истражувачкото вселенско летало на Вулкан, Т'Плана-Хат, ќе слета во Бозман, Монтана, следејќи ја ворп-трагата на Феникс, вселенски брод што го претставува првиот успешен обид на човечката раса во постигнувањето ворп-погон. 

Набргу потоа еден Вулканец во наметка ќе ги крене прстите во вулканскиот поздрав (Живеј долго и просперирај) и ќе се сретне со д-р Зефрам Кокрејн, пилотот на Феникс и изумител на ворп-погонот. Првиот контакт ќе биде врежан во историјата и ќе го поплочи патот за формирање на Обединетата федерација на планети.

Се разбира, Првиот контакт и Денот на Првиот контакт се измислени работи. И покрај тоа, тие се детално утврдени низ франшизата „Ѕвездени патеки“. Секој што е заинтересиран за повеќе детали треба да нурне во некои од следниве дела:

На големиот екран

„Ѕвездени патеки: Прв контакт“, во кој Џејмс Кромвел го игра Кокрејн како човек наклонет кон алкохол и рокенрол, со прекарот „З“. Кромвел подоцна ја репризираше улогата, со „трепни и ќе го пропуштиш“ појавувањето во „Скршен лак“, пилот-епизодата на „Ѕвездени патеки: Ентерпрајз“.

„Многу уживав“, рече Кромвел, чест Трек-гостин, минатата година за StarTrek.com за своето искуство со „Прв контакт“. „Тие многу ми помагаа. Навистина уживав со Џонатан (кој го играше Вилијам Рајкер). Си дозволив со тој лик (Кокрејн) да се забавувам најмногу што можам. Го обожавав неговиот кукавичлак и неговиот начин на избегнување на сè, и со задоволство го глумев. Филмот беше многу успешен и секогаш ме воодушевува интензитетот на лојалноста на луѓето што уживаат во 'Ѕвездени патеки'. Тоа е чудесно.“

 

Пишан збор

Книгите „Прв контакт“ (новелизација на филмот), „Прва граница“, „Академијата на Ѕвездената флота“, „Имзади“ и „Федерацијата“, како и стрипот за Оригиналниот серијал, „Ворп во вселената“.


На малите екрани

Во епизодата „Дома“ (Homestead) од „Војаџер“ Ниликс и Наоми Вајлдман прават забава за 315-годишнината од Денот на Првиот контакт. Тука има ретро-џубокс, омилените закуски на Кокрејн (кнедли со сирење) и особено забавниот момент кога Тувок мошне неволно ги крева прстите во вулканскиот поздрав и ја изговара легендарната фраза: „Живеј долго и просперирај“.

Е па... ај среќен празник!

Во најава.

Република Македонија треба да понуди законска можност за реализација на правото на приватен и семеен живот за истополовите партнери.

повеќе

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе