Игор Џамбазов слави 50 години со мултимедијален концерт

По повод педесеттиот роденден, јубилејни 40 години телевизиска кариера, 30 години од првата професионална театарска улога, како и 20 години од неговиот прв албум и соработка со неговиот музички гуру Игор Атанасовски – Харе, Игор Џамбазов подготвува големо мултимедијално шоу.

Концертот во организација на Горила продукција ќе се одржи на 1 ноември (петок) во големата сала на спортскиот комплекс Борис Трајковски, а организаторите очекуваат 10.000 Џамбољубители од цела Македонија.

На концертот ќе се случува всушност рекапитулација на бурниот боемски живот на Игор и потсетувања на неговите најголеми хитови. На сцената Игор ќе биде придружуван од Гуру Харе и музичарите што свиреа со Тоше Проески засилени со уште неколку познати музичари.

Гости на концертот се Калиопи, Тамара, Елена Ристевска, Влатко Илиевски, Пере и Франц од Нокаут, хорот на Златно славејче под диригентско водство на Александар Џамбазов и колегите глумци Сашко Коцев и Тони Михајловски.

Се очекува на концертот и вклучување во живо на Раде Шербеџија, а повеќе наши уметници и институции најавија специјални изненадувања за повеќекратниот јубилеј на Џамбазов.

Горила продукција најавува спектакл, и додава „тоа е збор што Игор не го сака многу зашто како што вели многу најавуваните спектакли кај нас завршуваат како обични селски приредби“.

Концертот во режија на Бојан Трифуновски ќе трае околу три часа.

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе