Вести

Руските портали објавија дека две лица се повредени во текот на воената вежба „Запад 2017“ во западниот дел на земјата, кога хеликоптерот по грешка испалил ракети на паркираните возила.

Американскиот секретар за одбрана Џејмс Матис потврди дека повеќе од 3.000 нови американски војници ќе бидат упатени во Авганистан, како дел од новата стратегија на претседателот Доналд Трамп за победа во војната која трае речиси 16 години.

Лидерката на Мјанмар Онг Сан Су Ки денес изјави дека Мјанмар е „подготвен" да организира враќање на повеќе од 410.000 Рохинџани побегнати во соседен Бангладеш, додавајќи дека ѝ е „искрено жал" за граѓаните кои „се најдоа во замката на кризата".

Рускиот претседател Владимир Путин пристигна на најголемите воени вежби кои Русија ги одржала во последно време, надгледувајќи ги своите сили како успешно одбиваат замислен непријател и тргнуваат во противнапад предводен од тенкови, дел од маневрите кои го вознемирија Западот, пишува Ројтерс.

Високиот советник за стопанство на американскиот претседател Доналд Трамп во Обединетите нации кажа дека Соединетите Држави не ги промениле своите планови за повлекување од Парискиот климатски договор ако не дојде до промена на договорот во корист на Вашингтон, за што нема голема желба кај меѓународната заедница.

Советскиот офицер Станислав Петров, кој пред 34 години го спаси светот, почина на возраст од 77 години.