Нов Зеланд

Жртвите врескале за помош додека напаѓачот го емитувал нападот во џамијата, покажала страшната снимка

Напаѓачот во џамија во Нов Зеланд одел од соба во соба, безмилосно убивајќи ги верниците, а потоа се вратил за да пука во нивните трупови додека во живо го пренесувал масакрот на Фејсбук.

Најмалку 49 лица загинаа, а околу 20 се повредени за време на нападите врз две џамии во Крајстчерч, Нов Зеланд. Полицијата уапси четири лица, од кои еден е обвинет за убиство.

Пукачот со мала камера „гоу про“ го пренесувал на Фејсбук својот напад. Социјалната мрежа брзо го симна 17-минутното видео откако беше предупредена од полицијата. Клиповите подоцна повторно се појавија на социјалните медиуми, а владата и полицијата на Нов Зеланд ги повикуваа сите медиуми да не го објавуваат поради неговиот екстремно вознемирувачки карактер.

Снимката наводно почнува со маж што лежерно вози автомобил, додека од радиото се слуша музика, објави Раша тудеј, која го видела видеото. Вооружениот напаѓач, кој на социјалните медиуми и во својот антимуслимански манифест се идентификува себеси како 28-годишниот Брентон Тарант, роден во Австралија, накратко ја врти камерата за да го покаже своето лице и вели: „Здраво, дечки“.

Тој продолжува да вози пред да го паркира возилото во близина на џамијата. Во автомобилот се гледаат најмалку четири различни парчиња огнено оружје. Земајќи едно од нив, човекот излегува од возилото и го отвора багажникот, откривајќи во него уште две огнени оружја.

Во внатрешноста на џамијата низ предниот влез, напаѓачот тивко оди од соба во соба и пука во сите што ќе ги сретне. Верниците очајно се обидуваат да избегаат или да се скријат, а десетици тела се гледа како лежат на подот.

Човекот неколку пати пука во рафали и повторно го полни своето оружје. Сите негови оружја биле ишарани со неонацистички симболи и слогани, како и повеќе референци на војните и битките што крстоносците и европските генерали ги водеа против муслиманите.

Во одреден момент, вооружениот напаѓач пука во телата што неподвижно лежат на подот и поитува кон излезот. Кога истрчува од зградата, тој забележува една млада жена што бега и неколку пати пука во неа. Жената извикува: „Помогнете ми“ додека лежи повредена на тротоарот во близина на џамијата. Пукачот се приближува и ѝ пука во грбот и во главата.

Човекот потоа го враќа оружјето во багажникот на возилото и почнува да се оддалечува возејќи. Неколку пати прснува во смеа, вади пушка и почнува да пука во други возила и минувачи низ шофершајбната и страничниот прозорец.

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе

Оваа појава почнува да претставува сериозна закана за учениците, но и грижа за родителите и наставниците.

повеќе