Милано

Жестоки судири меѓу полицијата и антифашистите во Италија (ФОТО)

Седум лица се повредени во судирите меѓу италијанската полиција и неколку стотици антифашистички демонстранти во Болоња, соопшти полицијата.

До судир дошло кога демонстрантите се обиделе да го оневозможат одржувањето на планираниот собир на крајно десничарската партија Форца Нуова на Роберт Фиоре.

Полицијата употребила солзавец, водени топови и пендраци за да ги спречи демонстрантите да го пробијат кордонот, при што се повредени шест демонстранти и еден полицаец.

Лидерот на Форца Нуова успеал да им се обрати на малиот број поддржувачи зад транспарентите „Италија на Италијанците“, пренесе АП додавајќи дека Фиоре зборувал со неколку десетици луѓе.

Протестите, во организација на синдикатот и социјалните активисти, следеа поради стравот од обновување на неофашистичкото расположение во Италија пред парламентарните избори.

Серија антифашистички протести минатиот викенд беа организирана ширум Италија поради расистичкиот напад врз африканските мигранти во градот Масерата, каде што маж со огнено оружје рани шест Африканци.

Во Италија на 4 март ќе се одржат парламентарни избори, а кампањата е обележана со зголемени тензии поради присуството на мигрантите. Нивниот број во Италија е зголемен во изминатите неколку години за неколку стотици илјади, а многумина од нив доаѓаат од Африка.

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе

Кога знаеме како функционира кризата на претставеност, можеме да спречиме повторување на историјата, кое можеби овој пат би имало и многу полоши последици по демократското општество.

повеќе

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе