Во видеообраќањето по повод Денот на градот Доњецк и Денот на рударите, кои во Украина се слават последниот викенд во август, Зеленски рече дека Украина не заборавила и нема да заборави ниту еден свој град и ниту еден свој човек.
Доњецк отсекогаш бил еден од најбогатите и најмоќни градови во Украина, рече Зеленски.
Според него, Донбас сега е речиси уништен и разорен од руските напади.
„Но Украина ќе се врати. Задолжително. Достоинството ќе им се врати на жителите на Донбас. Тоа ќе го симболизира нашето украинско знаме кога ќе го поставиме во Доњецк, Горловка, Мариупол, во сите градови на Донбас и регионот Приазов, во сите области под руска окупација: Харков, Запорожје, Херсон. И секако - на Крим. Украина памети сѐ“, рече Зеленски.
Легенда под Главна слика
Фото: ЕПА
