Зеленски: Статусот на кандидат за ЕУ нѐ носи чекор поблиску до победата

Украинскиот претседател Володимир Зеленски одговори на препораката на Европската комисија Украина да стане кандидат за членство во Европската Унија.

Фото: ЕПА

Зеленски на Твитер напиша дека со тоа ќе дојдат „поблиску до победата“. Тој ѝ се заблагодари на претседателката на Европската комисија Урсула фон дер Лаен за „историската одлука“ и додаде дека очекува позитивен резултат од Комисијата следната недела.

I commend the positive @EU_Commission Conclusion on 🇺🇦’s candidate status. It’s the 1st step on the EU membership path that’ll certainly bring our Victory closer. Grateful to @vonderleyen & each EC member for a historic decision. I expect the positive result from #EUCO next week.
— Володимир Зеленський (@ZelenskyyUa) June 17, 2022

Се очекува лидерите на 27-те земји-членки на ЕУ да разговараат за препораката на Комисијата на самитот следната недела во Брисел.

Како што и се очекуваше, Европската комисија денеска предложи кандидатски статус за членство во Европската Унија за Украина, а претседателката на тоа тело Урсула фон дер Лаен порача дека тоа подразбира обврска на Украина да спроведе низа реформи.