Зеленски се пофали со „значајни“ удари на Русите со новото западно оружје

Украинските борци извршија повеќе „значајни удари" врз руски логистички цели благодарение на новото западно оружје, изјави украинскиот претседател Володимир Зеленски.

Фото: ЕПА

Во своето ноќно видео обраќање, Зеленски рече дека нападите „влијаат на офанзивниот потенцијал на руските сили“.

„Артилеријата што ни ја испрати Западот конечно почна да бележи моќни удари. Нивната прецизност е токму она што ни е потребно“, рече тој.

Зеленски зборуваше за американските повеќецевни ракетни фрлачи ХИМАРС, исклучително прецизно артилериско оружје со долг дострел што им овозможува на Украинците да ги гаѓаат руските сили и логистички цели на значително поголема оддалеченост од досега.

„Загубите на окупаторите само ќе се зголемат оваа недела, како и потешкотиите во снабдувањето“, рече тој.