Зеленски: Нема да дадам дел од територијата на Украина за мир. Спремен сум да го дадам животот за својата земја (ВИДЕО)

Украинскиот претседател Володимир Зеленски даде интервју за емисијата на Си-би-ес 60 минути, која беше емитувана во неделата навечер.

EPA-EFE

Зеленски кажа дека е спремен да се сретне со рускиот претседател Владимир Путин на преговори за завршување на војната, но на прашањето дали е спремен да се откаже од кој било дел на Украина за постигнување мир кажа дека „не е спремен да даде дел од својата земја“.

Во разговорот со Скот Пели од Си-би-ес Зеленски кажа дека никогаш не би го признал Крим како руска територија и покрај тоа што полуостровот во 2014 година беше припоен кон Руската Федерација.

Пели напомена дека претседателот на САД Џо Бајден и лидерите на НАТО изразиле огорчување поради „руските злосторства во Буча“ и го праша Зеленски што би требало да направат следно, на што тој одговори: „Мора да ѝ испорачаат оружје на Украина“.

Зеленски порача дека Украинците го бранат правото на живот.

„Никогаш не мислев дека тоа право е толку скапо. Тоа се човечки вредности, Русија да не бира што би требало да правиме ние и како јас ги остварувам своите права. Тоа е право кое ми го дале Бог и моите родители“, кажа Зеленски.

Украинскиот претседател кажа дека е спремен да го даде животот за својата земја.

„Не сакам да глумам херој. Го сакам своето семејство. Сакам да живеам уште многу години, но меѓу бегањето и тоа да сум со својот народ, нормално дека сум спремен да го дадам својот живот за својата земја“, кажа тој.

Легенда под Главна слика

EPA-EFE

Работите во Македонија забегаа до тој степен што за нив мора да се пишува отворено, „револуционерно“.

повеќе

Минатата недела во јавноста се актуелизираше дискусијата за концептот на даночната реформа.

повеќе

Војната во Украина ја разоткри вистината за Русија, но и вистината за Европа. 

повеќе