Украинскиот лидер Володимир Зеленски му понуди маслиново гранче на рускиот претседател Владимир Путин, предлагајќи преговори, додека борбите продолжуваат низ целата земја и судирите се поблиску до главниот град на земјата, Киев.
„Сакам повторно да му се обратам на претседателот на Руската Федерација. Борбите продолжуваат низ цела Украина. Ајде да седнеме на преговарачка маса за да ги запреме човечките жртви“, рече Зеленски, по изјавата на советникот на украинскиот претседател Михаил Подољак, кој рече дека владата „секогаш оставала и остава простор за преговори“ и покрај „целосна инвазија“ на руските трупи.
Претходно денеска Подољак изјави дека „доколку се можни преговори, тие мора да се одржат“, навестувајќи дека Зеленски и неговата влада се подготвени да разговараат за „статусот на неутралност“ доколку Москва го побара тоа.
Покрај понудата за разговори до Русија, Зеленски ги нападна европските земји, за кои сметаше дека не покажале подготвеност „да се борат со“ неговата земја и „да ја видат Украина во НАТО“.
Одговарајќи на понудата на украинскиот претседател, Кремљ истакна дека тоа е позитивен чекор што руските власти ќе го разгледаат, додека министерот за надворешни работи Сергеј Лавров изрази загриженост дека Зеленски не бил искрен во врска со подготвеноста да се разгледа статусот на неутралност.
Борбите продолжија во текот на ноќта меѓу украинските и руските сили низ цела Украина, а Русите стигнаа и до Киев.
АП објави видео на кое се гледа дека Украинците се кријат во подземни скривалишта и во градските метростаници.
VIDEO: Ukrainians are taking shelter deep underground in Kyiv’s metro system as Russia’s invasion continues.
Follow updates here: https://t.co/WKhunGC3i9 pic.twitter.com/sHY74EgmGm
— The Associated Press (@AP) February 25, 2022
