Зеленски го повика светот да ги осуди руските референдуми на истокот на Украина

Украинскиот претседател Володимир Зеленски го повика светот да ги осуди референдумите кои ги организираат проруските бунтовници за припојување кон Русија и кои во моментов се одржуваат во четирите региони кои руските сили ги контролираат во Украина.

EPA-EFE

Во своето дневно обраќање до нацијата Зеленски порача дека е уверен дека „светот правилно ќе реагира на псевдореферендумите“ и дека „јавно ќе ги осуди“.

„Оние кои се присилно мобилизирани во руската војска треба да ја саботираат секоја активност на непријателот, да ѝ дадат на Украина важни податоци за базите на окупаторот, штабовите, магацините со муниција и во секоја прилика да се обидат да дојдат до слободната територија на Украина“, кажа Зеленски.

Тој на луѓето кои живеат на териториите под руска контрола им порача: „Спасете ги своите животи, помогнете ни да ги ослабиме и уништиме руските окупатори“.

Во регионите Луганск, Доњецк, Херсон и Запорожје од 23 до 27 септември се организираат референдуми со цел тие да бидат припоени на Русија. Руските сили целосно ги контролираат Луганск и Херсон, а делумно Запорожје и Доњецк.

Рускиот претседател Владимир Путин сличен референдум спроведе во 2014 година кога Русија го анектираше Крим.

Легенда под Главна слика

EPA-EFE

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе