Зеленски: ЕУ не смее да стане супермаркет за богатите Руси

Украинскиот претседател Володимир Зеленски повторно ги повика членките на ЕУ да ги забранат визите за руските државјани со цел блокот да не стане „супермаркет" достапен за секој што има средства за влез. Зеленски истакна дека неговиот предлог не се однесува на Русите на кои им е потребна помош бидејќи ја ризикувале својата слобода или живот спротивставувајќи ѝ се на политиката на лидерот на Кремљ Владимир Путин.

Фото: ЕПА

„Мора да има гаранции дека руските убијци или учесници во државниот терор не користат шенген визи“, рече Зеленски во своето ноќно обраќање, мислејќи на визите што му дозволуваат на сопственикот да влезе во шенген зоната, која вклучува неколку земји на ЕУ.

„Второ, не смееме да ја уништиме самата идеја за Европа - нашите заеднички европски вредности. Затоа Европа не смее да се претвори во супермаркет во кој не е важно кој влегува и каде што е главно луѓето само да плаќаат за своите производи“, изјави тој.

Зеленски за прв пат повика на забрана за издавање визи во своето интервју за Вашингтон пост оваа недела, велејќи дека Русите треба да живеат во свој свет додека не ја променат својата филозофија. Апелот на Зеленски допрва треба да добие поддршка од главните играчи во ЕУ. Но, како што рече, бил охрабрен од поддршката на балтичките земји и Чешка, која во моментов претседава со ЕУ. Финска исто така ја поддржа идејата.

Портпаролот на Кремљ, Дмитриј Песков претходно оваа недела го осуди апелот на Зеленски, велејќи дека „секој обид да се изолираат Русите или Русија е процес кој нема перспектива“.

Легенда под Главна слика

Фото: ЕПА

Ќутејќи - банализирамо. Банализирајќи - нормализирамо. Нормализирајќи - дозвољуемо пред очи да ни се повампируа фашизмот и нацизмот.

повеќе

Самата идеја на странските директни инвестиции е да донесе нови вработувања со повисоки плати кои треба да ги исплаќа странскиот инвеститор.

повеќе

Треба да се размисли за тоа дека сите предлози и промени кои доаѓаат од Брисел, не можат ефикасно да се применат и во Македонија и да се дејствува во правец на благосостојба на граѓаните, а не само на профитите.

повеќе