Вирусот се појави и во Норвешка

Заразената од коронавирус во Солун позната дизајнерка, била на модната недела во Милано

38-годишната жена што е заразена со новиот коронавирус и се наоѓа во болница во Солун не е јавно именувана, но грчките медиуми ја идентификуваа како добро позната дизајнерка што отпатувала во северна Италија за да присуствува на модната недела во Милано.

Таа во неделата долетала во Солун и во вторникот се пријавила во болница откако почнала да не се чувствува добро.

За дизајнерката, која била и кандидатка за јавна функција, се вели дека отпатувала во Милано со група новинари и неколку советници од градското собрание. Досега 15 лица - вклучително и членови на нејзиното семејство - се ставени во двонеделен карантин, но во тек е истрага за тоа со колку лица таа стапила во контакт.

Човек што летал со неа за Лајв њуз рече дека авионот бил „преполн“ и дека жената „изгледаше добро, не сфативме дека нешто не е во ред со неа“.

Грција назначи 13 државни болници за прифаќање на пациентите со ковид-19. Министерот за здравство Василис Кикилиас, кој ги забрани отсуствата за сите медицински работници и лекари, се очекува утре да отпатува во Солун.

По Бразил, Пакистан, Македонија, Грција, Грузија и Алжир, Норвешка вечерва стана седмата земја што денеска го пријави првиот потврден случај на коронавирус.
 
Норвешката агенција за јавно здравје потврди дека едно лице е тестирано позитивно на коронавирусот, пренесе Ројтерс.
 
Лицето е задржано дома во изолација, откако се вратило од Кина кон крајот на минатата недела, рекоа властите. Тоа прво не се чувствувало болно и се смета дека е малку веројатно дека заразило други лица, соопшти агенцијата.

Овозможувањето континуитет на стопанството треба да биде на прво место во агендата на Владата, бидејќи закрепнувањето на економијата ќе дојде токму од приватниот сектор.

повеќе

Светот првично се соочи со кризата предизвикана од коронавирусот на некоординиран начин, при што огромен број држави едноставно ги игнорираа предупредувањата и настапуваа самостојно.

повеќе

Пандемијата на коронавирусот која го зафати целиот свет, не само што има огромно влијание врз јавното здравство, општеството и економијата како целина, туку предизвика пустош и во спортот.

повеќе