Запрашан од новинарот на Фокс њуз за што разговарал со Путин, Бајден му одговори „За тебе“ (ВИДЕО)

Американскиот претседател Џо Бајден му даде необичен одговор на новинарот на Фокс њуз кога овој го праша за што разговарал во телефонскиот повик со рускиот претседател Владимир Путин.

Фото: ЕПА

Откако Бајден ги потпиша извршните наредби за унапредување на расната рамноправност, дописникот на Белата куќа Питер Дуси му довикна: „Господине претседател, за што разговаравте со Владимир Путин?“

Бајден потсмешливо му одговори: „За тебе“.

Па додаде: „Те поздрави“.

PETER DOOCY: Mr President, what did you talk to Vladimir Putin about?

PRESIDENT BIDEN: You. He sends his best. pic.twitter.com/Fq0zglc9aK
— Aaron Rupar (@atrupar) January 26, 2021

Другите новинари прснаа во смеа, а Бајден ја стави маската на лице и си замина.

Бајден и претходниот ден за време на брифингот зборуваше за Дуси, кој известуваше за претседателската кампања.

Претседателот рече: „Знам дека тој секогаш ми поставува тешки прашања и секогаш има острина во нив, но во секој случај ми се допаѓа, затоа ајде, постави го прашањето“.

Минатото лето Дуси го праша Бајден дали избрал партнер со кој ќе се кандидира, на што сегашниот претседател тогаш му одговори во сличен стил: „Да, избрав... Тебе“.