Заколнатиот непријател на Меркел ќе се кандидира за нејзин наследник

Фридрих Мерц, вечниот ривал и заколнат непријател на германската канцеларка Ангела Меркел во нејзината конзервативна партија ЦДУ, планира да се кандидира за претседател на партијата, објавија германските медиуми во средата.

Главниот претставник на десното крило на Христијанско демократската унија (ЦДУ), по години центристичка политика на канцеларката, станува можен кандидат за претседател на партијата, по објавувањето на оставката на сегашната претседателка во екот на политичката криза.

Новиот претседател на ЦДУ во исто време ќе биде кандидат за должноста канцелар пред парламентарните избори планирани најдоцна до крајот на 2021 година, и на тој начин ќе има можност да ја наследи Меркел на канцеларската должност која ја вршеше повеќе од 15 години. Пред дваесет години, таа надмоќно го победи.

ЦДУ е најпопуларна партија според анкетите, иако е во пад.

Фридрих Мерц, 64-годишен адвокат, решен е во намерата да се кандидира на партиските избори што би можеле да се организираат пред летото, според дневниот весник Билд и агенцијата ДПА.

Доколку биде избран за претседател на ЦДУ во наредните месеци, канцеларката со таков ривал во партијата тешко ќе може да го заврши мандатот, кој ѝ истекува во 2021 година. Тоа би можело да доведе до предвремени избори.

Сегашната претседателка на Конзервативната партија Анегрет Крамп-Каренбауер во понеделникот ја објави својата оставка.

Во Македонија само 1% од младите професионално се занимаваат со спорт, 7% спортуваат аматерски, додека 42% спортуваат рекреативно или практикуваат физичка активност во вид на хоби и рекреација.

повеќе

Нашето законодавство дава поголема важност на едно парче хартија отколку на вистинската состојба на терен.

повеќе

Еве што знаат мнозинството Македонци и Бугари родени до 1980 година.

повеќе