Портпаролката на руската дипломатија

Захарова: НАТО потврди дека не сака мир

Портпаролката на министерството за надворешни работи на Русија Марија Захарова изјави денес дека западниот воен пакт не е заинтересиран за политичко и дипломатско решение во Украина.

EPA-EFE

Таа наведе дека заедничката изјава усвоена на состанокот на министрите за надворешни работи на НАТО во Букурешт укажува дека Алијансата не сака мирно решение во Украина.

„Формулацијата на таа изјава укажува дека НАТО е апсолутно незаинтересиран за политичко и дипломатско решение во Украина“, кажа Захарова, а пренесуваат руските агенции.

Захарова оцени дека НАТО продолжува да ја спроведува политиката обликувана непосредно по државниот удар во Украина во февруари 2014, што вклучува „давање бланко поддршка на режимот во Киев и, во прилог на тоа, демонизирање на Русија за да се оправда самото постоење на Северноатлантската алијанса“.

Министрите за надворешни работи на членките на НАТО изјави претходно денес во Букурешт дека ќе ја засилат помошта на Украина и тоа не само со воена опрема, туку и во обновата на критичната инфраструктура и зголемувањето на заштитата од ракетни напади.

Во изјавата се наведува дека Русија „сноси целосна одговорност за војната, кршењето на меѓународното право и принципите на Повелбата на ОН“.

Министрите истакнаа дека се неприфатливи акциите на Москва, вклучувајќи ги „хибридните активности, енергетските уцени и безобѕирната нуклеарна реторика, кои го поткопуваат меѓународниот поредок заснован на правила“.

Легенда под Главна слика

EPA-EFE

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе