Портпаролката на руската дипломатија

Захарова: Можен е нов државен удар во Украина

Портпаролката на министерството за надворешни работи на Русија Марија Захарова изјави дека е можно Соединетите Американски Држави да подготвуваат уште еден државен удар во Украина.

EPA-EFE

„Киев на 4 декември го посети високата заменичка на државниот секретар на САД, госпоѓата (Викторија) Нуланд. Инспекциските патувања на американскиот покровител во Украина повеќе никого не изненадуваат – тоа е нормално, тоа е како да дојдете да проверите како е таму, дали гори огнот или треба да се фрлат уште дрва. И, нормално, очигледно ја влече местото на злосторството“, кажа Захарова.

Таа ја нарече Нуланд „предвесник на трагични потреси“ за Киев.

„Нејзиното појавување во Киев во сегашните услови, кога во украинските владејачки кругови се заоструваат несогласувањата околу распределувањето на западната помош, нормално, не е случајно. Можно е повторно да се направи државен удар или некоја кадровска реконструкција. Мислам дека режимот на (украинскиот претседател Володимир) Зеленски, кој повеќе пати го искушуваше трпението на Вашингтон, има од што да се плаши“, додаде Захарова.

Таа потсети дека ликот на Нуланд се поврзува со „евромајдан“, кој на светот му беше претставен како симбол на демократскиот процес во Украина, а всушност беше државен удар организиран со парите и од рацете на Западот.

„Зад сето ова, пред сè, нормално, стоеја САД и оние земји и политички сили на европскиот континент кои дејствуваа заедно со Соединетите Американски Држави... Тогаш Вашингтон отворено се вмеша во внатрешните работи на Украина и едноставно своерачно управуваше со масовните протести“, оцени таа.

Легенда под Главна слика

EPA-EFE

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе

Деновиве адвокатот Тортевски во дебатна емисија рече дека немаме критична маса за држава. Не знам дали е така, но изгледа немаме критична маса за сериозни дебати и дијалози во општеството. 

повеќе

Светска банка проценува дека за секој долар инвестиран во здравството, државата има бенефит од 4 долари во смисла на зголемена економска продуктивност.

повеќе