По телефон

За што разговарале Путин и Ердоган

По иницијатива на турската страна, денеска бил одржан телефонски разговор помеѓу лидерите на Русија и Турција, објави прес-службата на Кремљ.

Рускиот претседател Владимир Путин и турскиот претседател Реџеп Тајип Ердоган во телефонскиот разговор ја истакнале важноста и интензивирањето на напорите за решавање на ситуацијата во Сирија, вклучувајќи и решенија во рамките на Астанскиот формат.

Тема на разговорот биле и билатералните односи, регионалните проблеми и поновиот развој во Либија.

За време на разговорите, двајцата претседатели изразиле загриженост во врска со влошувањето на ситуацијата во Либија и утврдиле дека има потреба од итно прекинување на огнот и обновување на преговарачкиот процес.

Претседателите на Русија и Турција се согласиле да ги продолжат своите контакти на различни нивоа.

Ердоган му изразил сочувство на Путин за смртоносниот пожар во руската подморница во кој неделава загинаа 14 морнари.

Деликатна јазична авантура е ако се излезе од основното и утврдено значење на зборовите и се прејде во сферата на жаргонот и колоквијалноста.

повеќе

Плаќањето на вработените на час наместо месечно помага да се зголеми нивната плата со тоа што ќе се вреднува работното време поефикасно.

повеќе