Против ковид-19

За Европа помалку вакцини од предвиденото, велат АстраЗенека и Оксфорд

Фирмата АстраЗенека и универзитетот Оксфорд ќе достават помалку вакцини против коронавирусот во Европа отколку што првично планирале, поради падот на производството во еден погон, порача вчера британската група за АФП.

Фото: ЕПА

Вакцината против коронавирусот на Астра Зенека и Оксфорд допрва треба да биде одобрена од Европската агенција за лекови (ЕМА).

Агенцијата на 12 јануари објави дека добиле барање за одобрување на вакцината, а потоа рече дека може да донесе одлука на 29 јануари.

„Иако нема рокови за испорака на нашата вакцина, доколку добиеме одобрение во Европа, првите количества ќе бидат помали од првичните планирани поради пад на производството на една производствена точка за нашиот европски синџир на снабдување“, изјави за АФП портпаролот на АстраЗенека.

Европската комисија резервираше до 400 милиони дози од оваа вакцина.

„Ние ќе ѝ доставиме десетици милиони дози на Европската Унија во февруари и март и ќе продолжиме да го зголемуваме обемот на производство“, додаде портпаролот, без да ги прецизира точните количества.

Портпаролот на Европската комисија задолжена за здравство рече дека АстраЗенека на состанокот на управниот одбор со земјите-членки на ЕУ потврдила дека ќе има измени во роковите за нивно доставување и додаде дека Комисијата се обидува да дознае повеќе за тоа.

Европската Унија и ЕМА се под притисок да го забрзаат одобрувањето нови вакцини против коронавирусот.

Вакцината АстраЗенека/Оксфорд има предност затоа што е поевтина за производство од нејзините ривали, а исто така е полесна за чување и транспорт, особено од вакцината Фајзер/Бионтек, која мора да се чува на многу ниски температури од минус 70 степени.

Легенда под Главна слика

Фото: ЕПА

Можеби ни треба регистар на погрешни перцепции на граѓаните за криминалот и корупцијата во државата.

повеќе

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе