Загрижен за ситуацијата на Косово

Вучиќ: Укинувањето на Српска листа може да предизвика катастрофални последици врз односите на Србите и Албанците

Претседателот на Србија Александар Вучиќ изјави дека е многу загрижен поради развојот на ситуацијата на Косово и Метохија и оцени дека секој обид за „укинување“ на партијата Српска листа би можел да остави катастрофални последици врз односите на Србите и Албанците.

Во воведното обраќање при посетата на претседателката на Советот на федерацијата на Федералното собрание на Русија Валентина Матвијенко, Вучиќ кажа дека Српска листа добила 96 отсто од гласовите на Србите на изборите и ги обвини Албанците дека измислиле „некаква приказна за труење со пликови од гласовите од Србија“.

„Сега веќе не се сигурни дека се отруени. Не знаат што да измислат но констатираат дека треба да се укине Српска листа. Тоа ќе создаде катастрофални последици врз односите на Србите и Албанците бидејќи Срби повеќе нема да има во институциите. А кога нема Срби нема во институциите, вие знаете каде тогаш ги има и како ќе мора да ги штитат својата слобода и своите огништа“, кажа Вучиќ.

Тој наведе дека Белград ги замолил западните партнери да се вразумат и да не им помагаат на Албанците во, како што кажа, „болните цели“ бидејќи во спротивно „следува катастрофа“.

„Инаку сѐ што прават, прават со цел да ја уништат Српска листа. Тоа многу нѐ загрижува“, кажа српскиот претседател.

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе

Третманот и плаќањето на работникот од кого зависи целиот производствен систем, треба да биде на прво место кај државата и работодавачот. 

повеќе

Дали верувате дека до ова дереџе се дојде за една ноќ, еден месец, една година? Вистината е дека години се потребни за таков пад.

повеќе