„И немаше проблем“

Вучиќ: Србија не го призна Косово како Израел, бидејќи го издржав притисокот во Вашингтон

Претседателот на Србија Александар Вучиќ изјави дека Србија не го признала Косово како Израел, бидејќи тој успеал да го издржи притисокот во Белата куќа во Вашингтон.

EPA-EFE

„Ги издржавме најтешките притисоци, кои ни многу помоќни не успеаја како Израел. Израелскиот амбасадор кажа „тоа беше американски притисок“. И лично го издржав притисокот во Белата куќа, и немаше проблем. И затоа Србија не го направи тоа што го направи Израел“, кажа Вучиќ.

Тој истакна и дека тоа било можно бидејќи во изминатите години вредно се борел за Србија во тешките преговори во Вашингтон и Брисел.

Израелскиот амбасадор во Србија Јахел Вилан изјави дека Израел го признал Косово под притисок на Вашингтон, во рамки на договорот на Србија и Косово со САД.

„Одлуката на Израел да го признае Косово е донесена под американски притисок. Инаку да не заборавиме дека тоа е направено во рамки на договорот на Србија и Косово со Америка, а не со нас, Израел. Не се обидувам да се кријам зад тоа, таа одлука ја донесе Израел по многуте години за време на кои не го признавме Косово. Тоа е дефинитивно против нашите интереси во Србија, тоа е против моите интереси“, кажа Вилан.

Легенда под Главна слика

EPA-EFE

Во последните 30 години сите политички партии, независно од тоа колку демократски се претставуваат во своите програми, на државата гледаат како на инструмент, што е пак првиот сигнал, чекор кон авторитарност.

повеќе

Ако денес направиме една историска книжевна паралела, драмското дело на Стефановски ќе го квалификуваме како антологиски бисер, кого и сегашните и идните генерации ќе го чуваат како неодминлив столб на целокупната македонска драмска литература.

повеќе

За првпат во историјата на албанската демократија, една иста партија ќе биде на чело на земјата три последователни мандати. 

повеќе