Обид за заживување на дијалогот на Белград и Приштина

Вучиќ се сретна со Курти и Лајчак во Берлин

Претседателот на Србија Александар Вучиќ се сретна вечерва во Берлин со премиерот на Косово Аљбин Курти, специјалниот претставник на Европската Унија Мирослав Лајчак и функционери на германската влада, во обид за заживување на дијалогот на Белград и Приштина.

Твитер

„Им благодарам на германските домаќини на организацијата на дијалогот меѓу Белград и Приштина“, напиша Вучиќ на Твитер.

Хвала немачким домаћинима на организацији дијалога између Београда и Приштине. pic.twitter.com/jdhGGUvU2q
— Александар Вучић (@predsednikrs) May 4, 2022

Вучиќ покрај пораката објави и фотографија на која е со Курти, Лајчак, специјалниот германски претставник за Западниот Балкан Мануел Сарацин и советник на канцеларот на Германија Олаф Шолц.

Тие присуствуваа на работна вечера на иницијатива на Шолц, чија цел е деблокада на дијалогот на Белград и Приштина на највисоко политичко ниво.