Претседателот на Србија од Њујорк

Вучиќ: Не е голема новост дека САД бараат меѓусебно признавање на Белград и Приштина

Претседателот на Србија Александар Вучиќ изјави денес во Њујорк дека за Србија е лошо тоа што САД бараат меѓусебно признавање на Белград и Приштина, но дека тоа не претставува суштински голема новост.

По вчерашниот разговор со државниот секретар на САД Мајк Помпео и денешните средби со помошникот на Помпео Метју Палмер и извршниот потпретседател на Атлантскиот совет Дејмон Вилсон, Вучиќ кажа дека за Србија е добро тоа што САД го поддржуваат нејзиниот европски пат и дека „не навлегуваат во тоа како треба да изгледа договорот“ на Белград и Приштина, а дека е лошо тоа што „бараат меѓусебно признавање“ на Србија и Косово.

„Тоа е ново, но суштински не е голема новост. Тоа не е целосно нов став на САД, тие во 2008 ја признаа независноста на Косово. Ние таа одлука нема да ја смениме, а се трудевме да уживаме во сопствените митови“, кажа српскиот претседател.

Тој наведе дека на состаноците со американските функционери ги изнел ставовите на Србија и дека повторил дека „не доаѓа предвид можноста Србите да не добијат ништо, а Албанците да добијат сѐ“.

„Многу им благодарам на Помпео и Палмер и Вилсон. За мене беше важно да можам да ги изнесам ставовите на Србија. И за педа ако го смениме ставот на САД кон Србија, ние сме направиле мало чудо. А не сум наивен дека САД ќе се откажат од признавањето на независноста на Косово, ниту пак ќе давам лажни ветувања“, кажа Вучиќ.

Тој повтори дека ситуацијата не е лесна за Србија, туку „многу тешка“ и додаде дека српските власти „ќе продолжат да ја штитат својата земја и српскиот народ на Косово“.

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе

Што е со оние граѓани кои не се вклопуваат во нашиот (би)етнички дискурс?

повеќе

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе