Вучиќ до Харадинај: Нема да има војна

Реагирајќи на изјавата на косовскиот премиер Рамуш Харадинај дека за него поделба на Косово значи војна, српскиот претседател Александар Вучиќ кажа дека се надева дека нема да им војна и дека ќе се најде решение за Косово.

Сепак, како што истакна, секое одолговлекување би имало негативни последици по останатите прашања.

Коментирајќи ја изјавата на Харадинај дека ќе дојде до војна, ако има поделба на територијата, Вучиќ кажа дека тоа не е ни прв ни последен пат, и изрази надеж дека никогаш нема да дојде до војна, туку дека ќе се најде некакво решение.

„Бидејќи ги слушаме изјавите на Хашим Тачи, невозможно е да зборувате и да барате сѐ и да велите чекаме договор. Не е договор ако ни кажувате – сѐ е наше, а вие само признајте нѐ. Така договор нема да има“, истакна српскиот претседател.

Тој повтори дека договорот е многу важен. „Знам дека на луѓето им е тешко, дека најмногу сакаат никогаш ништо да не се договори, да се одолговлекува, но не може да се одолговлекува, бидејќи околу другите прашања ќе бидеме во сѐ потешка и послаба ситуација“, кажа Вучиќ.

Истакна дека е важно да се зачува мирот, да оди земјата напред, но и да се бара решение кое нема да го извалка образот на Србија и ќе ги задоволи државните и национални интереси, па дури и да е делумно незадоволувачко.

„Бидејќи кога се постигнува компромис, не можете да бидете среќни со сите решение. Дека ќе има гушкање и бакнување и некои прекрасни решенија – тоа е невозможно“, кажа Вучиќ.

Планот за чист воздух од само 1,5 милиони евра издвоени од буџетот и за граѓаните и за еколошките активисти е несериозен.

повеќе

Во битката за фотелја во ФФМ секогаш решавачка била „техниката" на добивање гласови од делегатите со поткуп, ветувања, партиски и притисоци на локалните моќници... 

повеќе

Како може да се надминат исклучивите и националистички толкувања на минатото: што работат комисиите?

повеќе