„Има право да изнесува став“

Вучиќ: Црквата не треба да донесува клучни политички одлуки

Претседателот на Србија Александар Вучиќ изјави денес во Баку дека Српската православна црква (СПЦ) не треба да донесува клучни политички одлуки во земјата, но дека има право да го изнесува својот став.

„Не мислам дека клучните политички одлуки треба да ги донесува Црквата, но нормално дека има право да го изнесува својот став, немам јас никаков проблем со тоа“, им кажа Вучиќ на новинарите при посетата на Азербејџан.

На прашањето да го искоментира пишувањето на весникот Блиц, дека на државата само СПЦ ѝ е виновна за Косово, Вучиќ кажа дека на Црквата „не ѝ го оспорува правото да изнесува мислење, но дека тој не треба да се согласи со изјавата на претставникот на Црквата“.

„На мене Црквата ништо не ми згрешила. Тоа не значи дека секогаш со секоја изјава на кој било претставник на СПЦ мора да се согласам. Ние сме секуларна држава, јас ги почитува, не сум некој голем верник, но сум верник“, кажа Вучиќ.

Тој додаде и дека „не мисли дека малку направил за СПЦ, ни лично ни како претседател на владата и државата“, и дека „тешко ќе се најде некој што повеќе направил“.

СПЦ на 10 мај објави порака од неодамна одржаниот Свет архиерејски собир во која се наведува дека Косово претставива „неотуѓив централен дел на Србија“ и во која се апелира до функционерите на Србија „дека никогаш не смеат да дадат согласност за отуѓување на Косово и Метохија“.

Вучиќ на тоа реагираше на 11 мај, изјавувајќи дека го почитува ставот на Црквата, но дека не гледа кое решение таа го нуди, и додаде дека замрзнатиот конфликт со Косово не е решение и дека треба да се постигне компромис.

„Почитувам сѐ, но не видов што нудат како решение. Да бидеме против сѐ и да чекаме подобри времиња, кога ќе нѐ има пет или три милиони или кога другите ќе ни побегнат уште 50 години“, кажа тогаш Вучиќ.

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе

Повеќе од 40 години пишувам за самостојноста на македонскиот јазик и идентитет и на моменти бев подложуван и на физички напад поради моите ставови. Јас не би прифатил ништо што го негира признавањето на Македонија.

повеќе