САД

Врховниот суд третпат го одби обидот за укинување на Обамакер

Врховниот суд на САД го отфрли обидот на републиканците, кој беше поддржан од администрацијата на поранешниот претседател Доналд Трамп, да се укине законот за здравствена заштита познат како Обамакер.

Фото: ЕПА

Мнозинството судии, 7 спрема 2, одлучија дека Тексас и другите држави немале законска основа да ја поднесат тужбата. Судиите не одлучувале за пошироките правни прашања покренати за време на процесот, за тоа дали една од клучните одредби на Законот за доделување на здравствената заштита е неуставна и, ако е така, дали треба да се укине остатокот од законот.

Според таа одредба, Американците се обврзуваат да купат здравствено осигурување или во спротивно да платат парична казна. Ова е третпат Врховниот суд да го зачува Обамекер од стапувањето на законот во сила во 2010 година.

Претседателот Џо Бајден рече дека одлуката на Врховниот суд е „голема победа за американскиот народ“ и дека ќе осигури дека земјата е поблизу до тоа „здравствената заштита да биде право, а не привилегија“.

Републиканците жестоко се противеа на Обамакер кога беше предложен, но не успеаја да го укинат кога ги контролираа двата дома на Конгресот. Тие исто така безуспешно се обидуваа тоа да го сторат и пред судовите.

Кога би бил укинат Обамакер, до 20 милиони Американци би го загубиле здравственото осигурување, а осигурителните компании повторно би можеле да одбиваат да ги осигуруваат граѓаните со хронични здравствени проблеми.

Легенда под Главна слика

Фото: ЕПА

Овде нема такво нешто. Има некои чинители што се занимаваат со испишување црвени линии. Не им значи ништо фактот што токму под ова гесло е овозможен најдолготрајниот мир на европскиот континент.

повеќе

Србија продолжува да го негира минатото, при што нејзините политички елити ја користат резолуцијата за да ѝ се спротивстават на Црна Гора и истовремено се надеваат дека овој потег ќе им донесе поголема популарност дома.

повеќе

„И, ако милееме ние за својата Татковина, ако во нас има барем капка македонска крв, ако во нас останала искра благороден патриотизам, овојпат треба да се впрегнеме, за да понесеме дел од тежината на едно дело и од жестокото величие на една епоха“.

повеќе