Врховниот суд го блокираше планот на Бајден за задолжителна вакцинација или тестирање

Врховниот суд на САД го блокираше планот на претседателот Џо Бајден за задолжителна вакцинација или редовни тестирања за вработените во големите компании, но дозволува неговата администрација да наметне посебни услови за здравствените установи финансирани од сојузните власти.

Фото: ЕПА

Судот пресуди откако ги сослуша минатиот петок усните аргументи во правната битка за привремените наредби издадени од две сојузни агенции во ноември за зголемување на стапката на вакцинираност на работните места во големите компании, кои опфаќаат 80 милиони американски работници и сојузните здравствени установи.

Судот, кој има конзервативно мнозинство, беше поделен и во двата случаи. Во првиот случај, шест судии гласаа за блокирање на наредбата за задолжителна вакцинација или тестирања на работното место, а во вториот случај, пет судии ја поддржаа обврската за здравствените работници, додека четворица беа против.

На либералното мнозинство во вториот случај му се придружија двајцата конзервативни судии, Џон Робертс и Брет Кавано. Обврската се однесува на 10,3 милиони работници во 76.000 сојузни здравствени установи.

Претседателот Бајден во септември ги претстави регулативите за зголемување на стапките на вакцинација за возрасни како начин за борба против пандемијата, која уби повеќе од 845.000 Американци и ја оптовари економијата.

Легенда под Главна слика

Фото: ЕПА

Со фактот што Европа продолжува да плаќа милијарди долари за рускиот гас секој месец, таа и понатаму игра онака како што свири Кремљ, покажувајќи на тој начин дека е заробеник на сопственото задоволство.

повеќе

Грејната сезона заврши во месец април како и секоја година, но последнава беше со многу проблеми кои произлегоа од енергетската криза, од војната во Украина и генерално од светската економска криза.

повеќе

Откривањето на минатото ни помага многу да ги научиме изненадувањата на иднината.

повеќе