Милано

Возач во Италија запалил автобус со 51 дете: „Никој не излегува жив од тука“

Возачот на автобус е уапсен во Милано, откако наводно викал: „Никој не излегува жив од тука“.

Возачот на училишниот автобус е уапсен во Милано, откако наводно го грабнал возилото со 51 дете во него и го запалил.

Едно од децата повикало полиција откако возачот го запрел автобусот на автопат во предградието, објавија италијанските медиуми.

По пристигнувањето на полицијата, осомничениот го полеал возилото со запалива течност и почнал да вика: „Никој од тука не излегува жив“.

Автобусот, кој патувал од градот Кремона во Ломбардија, букнал во пламен, но полицијата успеала да ги извади сите патници. Дванаесет деца и двајца возрасни биле однесени во болница поради вдишување чад.

Осомничениот, 47-годишен маж од Сенегал, е обвинет за подметнување пожар и киднапирање. Не е јасно кој бил мотивот за наводниот напад, но тој наводно ѝ кажал на полицијата дека сака да се самоубие и „да ги спречи умирањата во Медитеранот“.

Новинската агенција Анса извести дека рацете на некои од децата биле врзани заедно со електрични кабли за време на драмата, која траела околу 40 минути.

Франческо Греко, обвинител во Милано, изјави: „Беше чудо што тие преживеаја и за тоа треба да ѝ се заблагодариме на полицијата.“

Анса извести дека, пред да го запре автобусот, возачот се обидел да помине преку пречка на патот. Полицијата извршила истрага во домот на човекот. Тој, наводно, имал претходни пресуди за возење пијан и за сексуален напад.

Матео Салвини, екстремнодесничарскиот вицепремиер во Италија, рече: „Во овој момент полицијата го пребарува неговиот дом. Сакам да знам зошто таков човек возел автобус со деца?“

Демонизирањето на Исламот и неговото постојано поврзување со тероризмот е загрижувачка појава во светот, а и на Балканот.

повеќе

Последните искричења во меѓународниот поредок ја прават нејасна агендата за евроатлантски интеграции на регионот која претставува неопходен услов за долгорочна стабилност на Западен Балкан.

повеќе

Очигледно во градењето на македонското општество заборавивме да ја промовираме правдата како негова примарна цел.

повеќе