Вооружена банда во Хонг Конг украла ролни тоалетна хартија, во градот зафатен со панично купување

Вооружени разбојници кои украле стотици ролни тоалетна хартија во Хонг Конг ги бркала полицијата, во градот во кој владее недостаток на производи предизвикано со паничното купување поради стравот од коронавирусот.

Полицијата соопшти дека рано во понеделникот пред супермаркет во Монг Кок тројца мажи со ножеви му се заканувале на возач на камион, во населба на работничка класа позната по „тријадите“ банди на организиран криминал.

„Тројца мажи со ножеви му се заканувале на мажот за испорака, и од него одземале тоалетна хартија во вредност од повеќе од 130 долари“, изјави портпаролот на полицијата за АФП.

Ролните тоалетна хартија станале реткост во густо населениот деловен центар, и покрај владините уверувања дека снабдувањето нема да биде нарушено со појавата на вирусот.

Супермаркетите не можат доволно брзо да ги наредат производите, што доведува до долги редици и испразнети полици моментите по отворањето.

Покрај тоалетна хартија, граѓаните на Хонг Конг масовно купуваат ориз, тестенини, средство за дезинфекција на раце и други средства за чистење, а речиси невозможно е да се набават заштитни маски и ракавици.

Во либералните демократии веќе со години се продлабочува политичката поларизација, се намалува довербата во владеењето на правото и, институционално гледано, состојбата општо се распаѓа.

повеќе

Како по ѓаволите успеаја политичарите да го претворат токму Гоце Делчев во повод за поделби и омраза?

повеќе

Независна Македонија не може да се пофали со успешно менаџирање на етничките прашања, а првите „грешки“ се прават во првите денови од независноста.

повеќе