Во Токио, нов најголем дневен број на заразени со коронавирус од почетокот на пандемијата

Домаќинот на Олимписките игри Токио во средата забележа најголем дневен број случаи на ковид-19 од појавата на пандемијата, со тоа што бројот на новозаразени надмина 3.000, изјавија јапонски извори за токискиот Кјодо њуз.

Фото: ЕПА

Претходниот рекорд е забележан во вторникот кога беа откриени 2.848 зарази со коронавирус и покрај вонредната состојба во Токио и околните провинции, воведена за да се запре ширењето на вирусот.

Зголемувањето на бројот на инфекции доаѓа во време кога Токио е домаќин на Олимписките и Параолимписките игри под строги епидемиолошки мерки, но инфекцијата се шири и меѓу службениците и спортистите.

Во средата, најмалку 16 случаи на коронавирус се регистрирани меѓу олимпискиот персонал, а меѓу заразените немало спортисти, а досега се регистрирани вкупно 169 случаи на коронавирус.

Во покраините Токио, Канагава и Чиба се бележи пораст на бројот на случаи на ковид-19 поради делта варијантата на вирусот. Провинциите Канагава, Саитама и Чиба размислуваат да побараат од централната влада проширување на вонредната состојба во овие области поради зголемениот број на заразени лица.

Претходно, експертите предупредија дека делта сојот, кој за првпат беше откриен во Индија, може да предизвика алармантен бран со врв околу 3 август, пет дена пред крајот на Олимписките игри.

Од почетокот на пандемијата, во Јапонија се регистрирани 875.506 случаи на коронавирус, како и 15.137 смртни случаи.

Легенда под Главна слика

Фото: ЕПА

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе