„Боже, прости им не знаат што прават“

Во Тексас егзекутиран убиец на 19-годишна девојка, до крај тврдел дека е невин

Човек осуден на смрт во Тексас продолжил да тврди дека е невин сè до вчерашното спроведување на неговата смртна казна.

Лери Реј Сверинџен е егзекутиран во 18:47 часот по локално време за смртта на 19-годишната Мелиса Тротер, пренесе Си-ен-ен.

„Боже, прости им не знаат што прават“, биле неговите последни зборови.

Сверинџен е осуден на смрт уште во јули 2000 година за киднапирање, силување и убиство на Тротер.

Студентка на Монтгомери колеџ последен пат била видена жива на 8 декември 1998 година, а телото ѝ било пронајдено на 2 јануари 1999 година во Националната шума Сем Хјустон.

Сверинџен повеќепати се обидувал да ја побие својата пресуда, тврдејќи дека е донесена на посредни докази и сомнително форензичко истражување, а самото извршување било одложувано пет пати.

Обвинителството тврдело дека Сверинџен ја убил Тротер, откако таа одбила да има секс со него.

Сведоци тврделе дека ја виделе Тротер како си оди од универзитетскиот кампус на 8 декември, придружувана од Сверинџен. Како доказ е искористен и фактот дека сопругата на Сверинџен пронашла запалка и кутија цигари во нивната приколка, иако ниту Сверинџен ниту таа не биле пушачи. Истражителите надвор од приколката нашле халухопки, за кои се верува дека ѝ припаѓале на Тротер.

(Реакција на колумната на Наум Кајчев, „За Гологанови и нашата заедничка историја“, 15 септември 2019, МКД.мк)

повеќе

Деликатна јазична авантура е ако се излезе од основното и утврдено значење на зборовите и се прејде во сферата на жаргонот и колоквијалноста.

повеќе

Плаќањето на вработените на час наместо месечно помага да се зголеми нивната плата со тоа што ќе се вреднува работното време поефикасно.

повеќе