Во случај на ескалација на тензиите, Иран најавува „болни последици за сите“

Иранските власти ги предупредија САД на „болните последици“ на евентуалната ескалација на тензиите против Иран поради сè поголемиот притисок на Вашингтон против Техеран.

„Сигурно е дека ќе има болни последици за сите, доколку дојде до ескалација (на тензиите) против Иран“, изјави за американската медиумска мрежа Си-ен-ен шефот на иранската дипломатија Мухамед Џавад Зариф.

Според него, Иран нема интерес да дојде до ескалација, но јасно е дека ќе се брани.

„Треба да бидеме исклучително внимателни, а веруваме дека Соединетите Држави играат многу опасна игра“, истакна иранскиот министер.

Тензиите меѓу Вашингтон и Техеран се интензивираа откако САД минатата година се повлекоа од меѓународниот нуклеарен договор и ги обновија санкциите кои предизвикаа криза на иранската економија. Со тој договор со САД, Русија, Кина, Британија, Франција, Германија и ЕУ, Иран се согласи да ги ограничи активностите за збогатување ураниум, а за возврат му беа укинати дел од меѓународните санкции.

САД пред две недели испратија бомбардери и носач на авиони со борбена група во Арапскиот Залив поради наводна, сѐ уште недефинирана закана од Иран, а американскиот претседател Доналд Трамп вчера порача дека Иран ќе се соочи со „официјален крај“ ако повторно му се закани на Вашингтон.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе