Во Памплона повторно ќе се одржат трки со бикови, се собраа илјадници луѓе (ФОТО)

Илјадници луѓе во бела облека и со црвени марами ги преплавија улиците на Памплона, Шпанија, денеска, кога првиот фестивал на трчање со бикови Сан Фермин од избувнувањето на пандемијата ковид-19 почна со огномет.

 

Лесниот дожд не го расипа расположението на мноштвото луѓе собрани на плоштадот на Градското собрание во северниот шпански град, чија облека веќе беше натопена со црвено вино и сангрија, кои слободно течат на осумдневниот фестивал што го прослави романот на Ернест Хемингвеј „Сонцето повторно изгрева“.

Фестивалот не се одржа во 2020 и 2021 година поради мерките против пандемијата на коронавирусот. Групите за заштита на животните сакаат настанот засекогаш да биде забранет.

„Сум бил во Сан Фермино многу пати претходно, но ова е многу различно, на луѓето им недостига славје, среќни се што се со своите семејства, среќни што се без маски, тие само сакаат да се чувствуваат живи и да уживаат во сонцето“, рече 45-годишната Мишел Рене од Сан Франциско.

„Енергијата е фантастична. Ова е најдобрата забава, најдоброто нешто што сум го видел во мојот живот“, додал Пабло Кортес, турист од Хаваите, кој, како и Рене, од балкон ја гледал церемонијата на отворање позната како Чупиназо.

Многу присутни танцуваат и пијат цела ноќ.

Биковите навечер ги убиваат во арената

Трките, за време на кои шест наменски одгоени борбени бикови и тркачи се тркаат низ тесните улички на стариот кварт на Памплона на патека долга 800 метри, почнуваат во четврток и ќе траат една недела, вклучувајќи го и викендот кога обично се најопасни, поради поголемите толпи.

Има вкупно осум трки, од кои секоја обично трае од три до пет минути. Вечерта биковите завршуваат во арената и ги убиваат.

Десетици активисти за правата на животните во костими на диносаурус протестираа во вторникот во Памплона, извикувајќи: „Борбата со бикови е праисториска!“

Фестивалот е опасен и за луѓето. Најмалку 16 тркачи се убиени во текот на годините, а последната жртва беше човек избоден од бик во 2009 година.

Здруженост, сплотеност и поврзаност на луѓе, друштва, организации и институции кон една заедничка цел или поради заедничка причина. 

повеќе

Неколку години при здрав разум сакаат да ни наметнат и да нѐ убедат дека со соседна Бугарија сме имале заедничка историја. 

повеќе

Деновиве во Комората пристигна нацрт-концептот за даночни реформи, кој треба да претставува основа за јавна расправа во наредниот период.

повеќе