Во нацрт резолуцијата, во кој увид имала агенцијата Асошиејтед прес, се заклучува дека треба да се воспостави „меѓународен механизам за репарација на штетата, загубите или повредите“ настаните поради „неправедните постапки“ на Русија против Украина.
Со резолуцијата се предлага 193 држави членки на Генералното собрание на ОН, во соработка со Украина, да формираат „меѓународен регистар“ во кој би се документирале тврдењата и информациите за штетите, загубите и повредите кои Русија им ги нанела на Украинците и нивната влада, наведува АП.
„Западните земји се обидуваат, со помош на Генералното собрание на ОН, да им дадат некаков привид на легитимитет на обидите за присвојување на замрзнатиот руски имот“, порача заменикот на постојаниот претставник на Русија во ОН Дмитриј Полјански.
Агенцијата РИА Новости додава дека Полјански истакнал дека „дури и нестручните луѓе сфаќаат дека станува збор за политизација, како и дека усвојувањето на таквиот документ би било безвредно“.
„Генералното собрание дури нема ни овластувања да се вклучи во репарациите. Попрецизно кажано, рускиот замрзнат имот на Западот“, кажа Полјански.
