Ураганот Ида

Во Њујорк поради поплави прогласена вонредна состојба, улиците и метрото се под вода (ВИДЕО)

Во Њујорк е прогласена вонредна состојба поради силните дождови и поплавите. Како што јавува Си-ен-ен, станува збор за остатоци од ураганот Ида, поради што спасувачите во градот имаат многу работа.

EPA-EFE

Во Њујорк на сила е забрана за патувања, сите возила кои не се итни не смеат да бидат на улица, а и сите градски линии на метрото се сопрени.

„Вечерва сведочиме на историско невреме со рекорден дожд, брутални поплави и опасни услови на патиштата“, напиша на Твитер градоначалникот на Њујорк Бил де Блазио.

„Нè чекаат тешки часови. Никогаш не сум видел за толку кратко време да падне толку дожд“, додаде тој, повикувајќи ги луѓето да не излегуваат надвор.

„Ве молиме вечерва да се тргнете од улиците и да им дозволите на нашите итни служби да си ја вршат работата. Ако размислувате за заминување, немојте. Избегнувајте ја подземната железница. Тргнете се од патиштата. Не возете по ова лошо време. Останете дома“, напиша Ди Блазио на Твитер.

„Никој не очекуваше волку дожд. Целиот регион е во многу тешка ситуација“, кажа гувернерката на Њујорк Кети Хочул за Си-ен-ен.

„Можеме да ги преземеме сите мерки на претпазливост, но мајката природа ќе прави сè што сака, а вечерва е особено лута“, додаде.

„Премногу извештаи има за спасување од водата и на насукани возачи, не возете по поплавените патишта, не знаете колку е водата длабока и преопасно е“, порача метеоролошката служба.

Пожарникарите соопштија дека спасувале луѓе од поплавените улици и од метрото.

Во поплавите кои настанаа од рекордните количества врнежи во Њујорк и Њу Џерси загинаа најмалку девет луѓе.

Легенда под Главна слика

EPA-EFE

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе

Со само 48% вакцинирано население, недозволиви грешки на стручниот штаб за Ковид-19 и масовни протести против вакцинација, очигледно е дека кампањата за вакцинација во Словенија беше навистина неуспешна. 

повеќе