Во магацин во Шпанија најдени куп препарирани заштитени животни (ВИДЕО)

Шпанската полиција откри приватна збирка од 1.090 препарирани животни, вклучувајќи слонови, носорози и поларни мечки, во огромен магацин во близина на Валенсија.

Скриншот Јутјуб

Тоа е најголемата приватна збирка од тој вид некогаш откриена во Шпанија, објави Цивилната гарда на својата интернет страница. Вкупно 405 животни спаѓаат во заштитените видови, се додава.

Животните се најдени во простор од 50.000 квадратни метри, односно колку седум фудбалски игралишта. Таму животните биле изложени како во музеј.

Меѓу останатите се најдени гепарди, леопарди, лавови, рисови, снежни леопарди и крокодили, како и животни кои се изумрени во дивината, како африкански сабјест орикс или речиси изумрени животни како бенгалскиот тигар.

Зошто оваа огромна збирка, која вклучува и 198 бивни од слонови, дури сега е откриена во гратчето Бетера, дваесетина километри северозападно од Валенсија, не е познато.

Полицијата не ги објави податоците за сопственикот на збирката кој е под истрага за шверц и кршење на законите за заштита на загрозените видови.

Сега се истражува од каде дошле животните.

Сопственикот, познат бизнисмен од Валенсија, кажал дека повеќето животни ги наследил од својот татко, според весникот Лас провинсијас. Полицијата ја процени вредноста на збирката на црниот пазар на речиси 30 милиони евра.

Легенда под Главна слика

Скриншот Јутјуб

Здруженост, сплотеност и поврзаност на луѓе, друштва, организации и институции кон една заедничка цел или поради заедничка причина. 

повеќе

Неколку години при здрав разум сакаат да ни наметнат и да нѐ убедат дека со соседна Бугарија сме имале заедничка историја. 

повеќе

Деновиве во Комората пристигна нацрт-концептот за даночни реформи, кој треба да претставува основа за јавна расправа во наредниот период.

повеќе