Во експлозија на бомба на пат во Авганистан загинаа најмалку 34 цивили

Најмалку 34 цивили загинаа во Авганистан кога автобус налетал на бомба во авганистанската провинција Фарах на западот на земјата, соопштија властите.

Најмалку 17 лица се повредени во експлозијата околу 5 часот по локално време на автопатот Херат-Кандахар во областа Бала Булук, изјави портпаролот на гувернерот на соседен Херат.

Информацијата ја потврди и портпаролот на полицијата во Фарах, кој рече дека голем број повредени се пренесени во болниците во Херат, додека други се пренесени во градот Фарах.

Милитантите честопати поставуваат бомби на патиштата за да го спречат напредокот на авганистанските сили, но често се убивани цивили.

Дваесет проценти од сите цивилни жртви во земјата во првата половина од годинава биле убиени со импровизирани експлозивни направи, се вели во извештајот на Мисијата на ООН за Авганистан објавен во вторникот.

Во Авганистан, секој ден во борбите смртно страдаат десетици припадници на авганистанските безбедносни сили и талибански милитанти додека продолжуваат преговорите, при што повеќе од 200.000 цивили морале да ги напуштат своите домови од почетокот на годинава.

„Каде да летнеме викендов е пристап што како таков повеќе нема да постои“...

повеќе

Зголемувањето на парите за финансирање на партиите не помагаат во поттикнувањето на политичката активност на граѓаните, туку веројатно и делуваат контрапродуктивно, зголемувајќи ја недовербата во партиите и политичарите.

повеќе

За помалку од еден месец по олеснувањето на рестриктивните мерки, Косово се соочува со нагло зголемување на бројот на случаи со ковид-19, 

повеќе