Макрон ги осуди „манипулациите и насилството“

Во дел од муслиманските земји продолжија протестите против Макрон

Неколку стотици луѓе се собраа вчера во Пакистан на протест против францускиот претседател Емануел Макрон кој ја бранеше слободата на изразувањето во својата земја каде наставник беше убиен бидејќи на часовите на наставниците им покажувал карикатури на муслиманскиот пророк Мухамед.

EPA-EFE

Помали протести беа одржани во Либија, Турција и Индија, пренесува Асошиејтед прес и оценува дека собирите продолжуваат и покрај интервјуто на Макрон за Ал џезира во кое наведе дека има разбирање за муслиманскиот свет, но истовремено ги осуди „манипулациите и насилството“.

„Мојата улога е да ја смирувам ситуацијата но и да ја штитам слободата на изразувањето во Франција“, кажа Макрон во интервјуто дадено во саботата за Ал џезира.

Макрон кажа дека разбира дека муслиманите можат да бидат „шокирани“ од карикатурите за Мухамед, но дека жали поради несогласувањата и манипулациите „на политичките и верските лидери“ кои повикаа на протести и бојкот на француските производи во мнозински муслиманските земји.

„Можам да разберам некој да биде шокиран од карикатурите, но нема никогаш да прифатам дека може да се оправда насилството. Нашите слободи, нашите права, сметам дека е моја задача тоа да го штитам“, додаде претседателот на Франција.

Макрон неодамна на комеморацијата на убиениот наставник Самуел Пати кажа дека Франција „ќе продолжи да ги брани карикатурите“. Млад исламист на 16 октомври го уби Пати поради карикатурите на Мухамед.

Макроновата изјава предизвика бран незадоволство во муслиманските земји, а најгласен беше претседателот на Турција Реџеп Таип Ердоган кој изрази сомнеж во менталното здравје на францускиот колега.

Легенда под Главна слика

EPA-EFE

Западен Балкан оди во насока на целосна контрола на државните институции во служба на политичките елити. Не е чудо што граѓаните имаат ниска доверба во овие институции.

повеќе

Граѓаните се преморени од бескрајните, приказни на предавници и патриоти, тирански платформи, договори со Грција, Бугарија, рекети, пописи, тендери,

повеќе

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе