Четврти ден

Во Белград демонстрациите почнаа со апсење, во Нови Сад се бараат оставки (ВИДЕО)

Доцна попладнево во Белград почна собирот на демонстранти, кои и покрај забраната за собирање на повеќе од 10 лица на јавни места, сепак излегоа на улиците, а четвртиот ден од протестот засега трае мирно.

Протестите поради незадоволството од начинот на кој државата се бори против епидемијата на коронавирусот продолжија денеска во неколку града низ Србија.

Еден од учесниците беше уапсен на самиот почеток на протестот во Белград пред српскиот парламент затоа што им дофрлаше на полицајците, по што полицајци со цивилна облека го одведоа во правец на Собранието, објави Блиц.

Полициските сили се распоредени зад Домот на националното собрание, а подготвена е и коњицата.

Причината за првиот протест во вторникот, 7 јули, во Белград беше најавата на претседателот на Србија, Александар Вучиќ, дека може да се воведе полициски час во главниот град за време на викендот поради зголемувањето на бројот на луѓето заболени од коронавирусот.

Барањата на демонстрантите не се формализирани, бидејќи нема официјални организатори на протестите, додека дел од опозицијата ги презентираше своите барања до властите во Србија, барајќи отстранување на Кризниот штаб за борба против коронавирусот и воведување привремена влада.

 

Во Нови Сад бараат оставки

Група граѓани во Нови Сад се собраа на Плоштадот на слободата за да изразат незадоволство од сегашната состојба во земјата.

Протестниот митинг почна со минута молчење за сите оние што починаа од коронавирусот, а присутните побараа оставка од Кризниот штаб, министерот за здравство Златибор Лончар, полицискиот директор Владимир Ребиќ, министерот за внатрешни работи Небојша Стефановиќ и српскиот претседател Александар Вучиќ.

Опозицискиот сојуз за Србија ги повика граѓаните на Србија да бидат вечерва заедно, како што велат, во отпорот кон безумието и во освојувањето на слободата.

Во изминатите 24 часа во Србија починаа 18 лица, 130 се на респиратор, а од 8.646 тестирани, 386 се новозаразени.

Доколку најмоќните луѓе во земјата (вклучително и претседателот Милановиќ) не престанат со вербалните напади и притисоци врз новинари и медиуми, се плашам дека Хрватска ќе појде по стапките на Унгарија, Полска и Словенија во однос на (не)слободата на медиумите, што секако не е европски, туку автократски пат.

повеќе

Законот за високо образование јасно и прецизно ја пропишува постапката за избор во наставно-научни и соработнички звања на високообразовните институции во нашата држава-Македонија.

повеќе

На три месеци пред избори, Владата носи закони и уредби со катастрофални последици по граѓаните, што е просто неверојатно.

повеќе