Владејачката коалиција во Украина се распадна, можни се вонредни избори

Владејачкото мнозинство во Украина денес се распадна откако партијата Народен фронт излезе од коалицијата на поранешниот претседател Петро Порошенко, што потенцијално значи дека новиот претседател Володимир Зеленски би можел да распише вонредни избори, објави Ројтерс.

„Објавуваме дека се повлекуваме од коалицијата и ги прекинуваме сите активности. Покренуваме иницијатива за нова коалиција со нови цели“, рече во парламентот лидерот на Народен фронт, Максим Бурбак.

Парламентот сега има еден месец да формира нова коалиција или претседателот Зеленски ќе го распушти и ќе распише парламентарни избори. Зеленски минатиот месец на претседателските избори го победи Порошенко со голема предност, но неговата новоформирана партија сè уште нема голема поддршка во парламентот.

Вонредните избори би му биле во прилог на Зеленски, чија популарност е голема и чија партија е на пат да победи на изборите, но без потребното мнозинство во парламентот. Зеленски, кој инаку е комичар без претходно политичко искуство, ќе биде инаугуриран в понеделник.

Парламентарецот Андриј Парубиј пред парламентот рече дека коалицијата престанала да дејствува и дека „за еден месец парламентот мора да формира нова“.

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе