Едногласна одлука

Владата на Косовo усвои анекс на договорот за демаркација со Црна Гора

Владата на Косово на почетокот на денешната свечена седница по повод десет годишнината од прогласувањето на независноста на Косово, усвои заедничка изјава - анекс на договорот за демаркација на границата помеѓу Косово и Црна Гора, потпишан од претседателите на Косово и Црна Гора Хашим Тачи и Филип Вујановиќ.

Премиерот на Косово Рамуш Харадинај рече дека заедничката изјава отвора пат одлуката за демаркација на границата да биде усвоена од страна на Собранието на Косово бидејќи овозможува да се поправат сите можни грешки и непрецизности во договорот меѓу Косово и Црна Гора од 26 август 2015 година.

Владата на Косовo едногласно го усвои анексот на договорот.

На седницата на владата не присуствуваа членовите од Српската листа.

Тачи и Вујановиќ договорија заедничка изјава во четвртокот, а Претседателството на Собранието на Косово синоќа одлучи законот за ратификација на договорот за демаркација на граничната линија да се разгледа на седницата закажана за во недела, 18 февруари во 18 часот.

Предлогот на анексот на договорот го поддржаа сите партии претставени во Собранието на Косово, со исклучок на Самоопределување.

Планот за чист воздух од само 1,5 милиони евра издвоени од буџетот и за граѓаните и за еколошките активисти е несериозен.

повеќе

Во битката за фотелја во ФФМ секогаш решавачка била „техниката" на добивање гласови од делегатите со поткуп, ветувања, партиски и притисоци на локалните моќници... 

повеќе

Како може да се надминат исклучивите и националистички толкувања на минатото: што работат комисиите?

повеќе