Вечерње новости: Интерпол крие кој ја „турка“ Приштина

Приштина тврди дека постои согласност на следната седница на Генералното собрание на Интерпол да се расправа за Косово, а српскиот весник Вечерње новости јавува дека дневниот ред уште не е утврден.

Според весникот, од Приштина велат дека речиси сите членки на извршниот комитет на Интерпол се сложиле за барањето на приемот на Косово да се расправа на претстојното Генерално собрание во Чиле.

Меѓутоа, од седиштето на Интерпол велат дека дневниот ред на тоа заседание ќе се утврди дури во октомври. Дневниот ред на 88 Генерално собрание на Интерпол прелиминарно е разгледуван во јуни, но остана непознато дали имало мнозинство во него да се вклучи барањето на Приштина за прием.

Новости наведува дека го прашале Интерпол како тогаш поединечно гласале земјите членки на Извршниот комитет на Интерпол, но дека не добиле конкретен одговор од светската полициска организација во Лион.

„Извршниот комитет ќе го одобри дневниот ред на 88 Генерално собрание на својата следна средба во октомври. Потоа за дневниот ред се гласа на Собранието, така што во оваа фаза не можеме да пружиме повеќе информации“, кажале од Интерпол за Новости.

Весникот потсетува дека ивршниот комитет на Интерпол има 13 членки – Алжир, Русија, Аргентина, Обединетите Арапски Емирати, Франција, Бразил, Молдавија, Ангола, Нигерија, Холандија и Јужна Кореја, додека местото на Америка е испразнето.

Од споменатите земји, седум не ја признаваат независноста на Косово.

Генералното собрание на Интерпол ќе заседава од 15 до 18 октомври во престолнината на Чиле, Сантјаго.

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе