Вашингтон пост: Турција има доказ дека саудискиот новинар бил убиен во конзултатот во Истанбул (ВИДЕО)

Турската влада ги информирала американските функционери дека има тонски и видео доказ дека исчезнатиот саудиски новинар Џамал Хашоги бил убиен и исечен на парчиња во конзултатот на својата земја во Истанбул, јавува денес Вашингтон пост.

Весникот, чиј колумнист беше Хашоги, се повикува на изјави на неименувани државни службеници дека снимките покажуваат дека саудиски безбедносни оперативци го уапсиле Хашоги на 2 октомври кога дошол во конзулатот по документ кој му бил потребен за венчавка.

Асошиејтед прес засега не може да ги потврди тие тврдења, а турските претставници не сакале да ги коментираат.

Саудиска Арабија ги отфрли како „неосновани“ обвинувањата дека стои зад киднапирањето на Хашоги, но не понуди ниеден доказ за своите тврдења дека новинарот излегол од конзултаот во Истанбул и потоа исчезнал, иако свршеницата го чекала во близина.

Делегација на Саудиска Арабија пристигна денес во Турција во рамки на истрагата за исчезнувањето на хашоги и ќе разговара со турски претставници во текот на викендот, пренесува Анадолија.

Анкара вчера соопшти дека Турција и Саудиска Арабија ќе формираат „заедничка работна група“ која ќе работи на исчезнувањето на Хашоги.

59-годишниот Хашоги, кој беше сметан за близок на саудиското кралско семејство, стана критичар на својата земја и принцот Мохамед бин Салман, 33-годишниот наследник на круната кој спроведува реформи, но не е толерантен кон критиките.

Хашоги од минатата година живееше во САД, каде се засолни од страв дека ќе биде уапсен, а за Вашингтон пост кратко пишуваше за Саудиска Арабија. Ја критикуваше нејзината воена интервенција во Јемен, неодамнешниот дипломатски спор со Канада и апсењата на активистите за права на жените.

Планот за чист воздух од само 1,5 милиони евра издвоени од буџетот и за граѓаните и за еколошките активисти е несериозен.

повеќе

Во битката за фотелја во ФФМ секогаш решавачка била „техниката" на добивање гласови од делегатите со поткуп, ветувања, партиски и притисоци на локалните моќници... 

повеќе

Како може да се надминат исклучивите и националистички толкувања на минатото: што работат комисиите?

повеќе