Бројот на жртвите годинава се зголеми на 1.586

Ужас во водите на Средоземно Море, испливуваат тела

Дваесет и еднo телo за кои се верува дека се мигранти што загинале при обидот да стигнат до Шпанија месецов испливале на брегот на Средоземно Море.

Бројот на жртвите годинава во Средоземно Море со ова се зголеми на 1.586, според податоците на Меѓународната организација за миграција (ИОМ), пренесе Ројтерс.

Останките на девет супсахарски Африканци беа пронајдени на 4 септември на брегот во близина Марса Бен Мхинди во алжирската провинција Тлемсен, на 200 километри од шпанскиот брег.

Следниот ден на соседната плажа Саидија карши границата со Мароко беа пронајдени уште четири тела.

Останките на шест мигранти, меѓу кои и две жени и едно дете, беа пронајдени на 10 септември во Дриуч, во близина на Надор, во Мароко, според ИОМ.

Телото на една жена беше најдено на плажата Лас Салинас во Рокетас де Мар, во Алмерија, на 11 септември, а телото на млад супсахарски Африканец беше пронајдено од рибари во близина на Алмадраба, во шпанската енклава Сеута на 13 септември.

Македонија треба да започне со процесот на усвојување модел за правно признавање на родот со почитување на фундаменталните права и правото на личен и телесен интегритет на транс луѓето.

повеќе

Парадоксалните судски процеси во државава, сами по себе родија парадокс.

повеќе

Следејќи ги слепо своите геостратешки планови, можно е американските геостратези и во Македонија да направија уште една грешка, во низата грешки во последните две декади.

повеќе